這就是家人

我生你的氣，依然為你添衣加被。

我生你的氣，依然去工作養育你。

我生你的氣，依然為你修理電器。

我生你的氣，依然停下來等你。

無論我如何生氣，但我依然愛你。

「港產」中學生：空郵寄件香港仔

轉貼

超可笑。。。但想深一層，超可悲！


尋日去郵局見到一個中學生，以身高估計係中三以上。
... 呢個中學生去寄包裹我排佢後面，拎住袋野走埋去問郵局職員

對話如下
中學生：「我想寄呢袋野.」
郵局職員：「你包好佢，填左份form再過來」
中學生：「要包好佢？我袋起左law。」
郵局職員：「用紙袋裝起，我地唔收架」
中學生：「點樣包？」
郵局職員：「你可以用個紙盒pack好佢」
中學生：「要我執紙盒？」
郵局職員：「我地有得賣紙盒」
中學生：「咁要裝起呢袋野要用邊個紙盒」
郵局職員：「你試下呢個啦，$X 蚊姐」(我唔記得係幾錢)
中學生：「要而家比錢架？」
郵局職員：「咁你而家買就而家比law, 你想轉頭買就轉頭比」
(學生唔多情願地比左錢)

郵局職員：「要填份form, 你寄郵去邊」
中學生：「我寄去香港仔，我要空郵」
郵局職員：「空郵？」
中學生：「係呀，最快係空郵麻？」(佢唔似講笑)
郵局職員：「唔好意思，寄去邊到話？」
中學生：「都話香港仔咯」
郵局職員：「小朋友，寄本港係無空郵架」
(呢個時候排係後面的我忍唔到笑，嘰嘰咁笑左出來)
(亦有一兩個人都有偷笑)
中學生：「仲乜叫我小朋友？我覺得你咁好唔尊重我，我係來寄野，唔係來比你笑架」

中學生怒氣沖沖無寄到野拎埋d野走人...

寧為女人

此名何來? 只可意會，不可言傳 !

只知道從沒有為自己的性別苦惱，也沒有想過 - 假如我是男兒!


女生可以扮靚、可以嬌嗲、可以耍性子、可以懶、可以叫人幫 (指人做野) 。

哈哈，仲有裙下之臣，太捧了。


若有得選擇，我還是要做女人，要回這個臭皮囊 。

只想優美地老去

淑女點解會發爛咋，全因一句女人四十爛茶渣 !

城市女人懂保養、識打扮，五六十歲也是花 !

天父看人不看外表，身心更新好年華 !



但....到最後還是order了3瓶鈣片。

不同年齡有不同的美，只想優美地老去 !

90前的回憶

活過多少年頭，我們曾力爭上游。

需未曾居住，但總有回憶在心頭。

預備好了

聖誕快到了！一年將完結了！

今年的計劃完成了嗎?

快到所謂的世界未日，預備好了見天父嗎？

何家馬車何家猜

無論係童話故事或愛情小說，我都好容易就代入左女主角既角色。

特別係童話故事，女主角總係可以配上一個白馬王子，而且故事中既王子都一定係靚仔。

故事到最後，王子同公主過著幸福/愉快既生活。。。

需然故事冇講乜野係幸福/愉快既生活，但已經令孩童既我充滿幸福既感覺。

嫁得比王子，總離不開有馬車。

現實係冇可能坐到馬車架啦，咁比我坐寶馬都冇所謂既 :)

寶馬的士

聽說某些國家在21號那天有未日假期，為的是在令心不安寜的人能陪著自己最牽掛的人。

但點解未有聽聞有21世紀既挪亞方舟?

如果有得走，你又想坐邊種交通工具走呢 ?

呢個又會唔會係你既選擇呢 ?

恭喜自己 !

獻上感恩，恭喜自己 !

轉行二年後入職此公司，一做又兩個年頭，由自以為是放下身段，到今天又過了昇職後的試用期，原來路真不是得一條。。。

一扇門關上，總會開另一扇窗。

路不易行，但我總走過了。回望從前，笑看人生。

我老豆係左派 ~~

昨天和朋友聊天談及一些趣事, 勾起一些往事....

 

 

老人院D義工幫老人家記錄了一些往事, 又家訪, 又拍照咁, 話要出一本書…哈哈, 氹到老豆等一眾長者心花怒放…

我們還取笑說, 誰有興趣去看呢, 肯定蝕本啦…..

書終於面世了, 那天到老爸家中發現了一本書, 乖乖不得了, 書名叫”香港左派鬥爭史”, 再用快速揭書法, 找不到老爸的照片, 也找不到老爸的”個人專訪”…

老豆, 你個訪問呢, 仲有D相呢 ????

原來所有老人家的故事都是資料來源, 剪輯片斷…. 在書的最後面, 某個片斷, 終於出現了老豆的名字了…..

這書作者是文匯報一個老記者, 是老爸的best friend, 這書也是作者送給他的, 他自己都不去買回來支持一下呢!

 

發表於2010年3月2日

 

http://www.facebook.com/?ref=tn_tnmn#!/notes/annie-lau/%E6%88%91%E8%80%81%E8%B1%86%E4%BF%82%E5%B7%A6%E6%B4%BE-/354770315928

 

開心如小孩

席間, 同學知我喜歡足球，就以這話題吹吹水。

同學給我一張他足球員照片，要比美C朗，我梗係叫佢節省啦，哈!點知佢話基督徒要說做就人的話。

我馬上回答說： 要以愛心說誠實話，是就是，不是就不是。你真係差C朗好鬼遠。。。

一眾睇熱鬧人士馬上吵得不亦樂乎 ：）

超開心的一個晚上，如小孩：）

 

 

 

 

 

一笑已忘年

朋友由去年年尾開始聯絡一些舊同學, 由第一次聚會得20多人, 到昨晚第三次聚會已有30多人.

都是一些中學同學, 很有久別重逢的感覺 :)

一共擺了3圍, 而我在坐那一圍當然係笑得最大聲啦:)

祝福妳 !

朋友遠嫁台灣, 本想在FB上送上祝福, 但原來朋友不想某些人知道 ,特別是她公司的好事之徒, 只有在此再祝福她新婚快樂 !

多謝朋友送我特別的餅咭 :)

度人=量已

由朋友BLOG內一篇文章引伸的想法....

容忍, 自由, 體恤,是動詞? 是名詞? 是形容詞?

我會話係雙向詞。

不要灠用, 更要用同一把尺去度人, 去量已。

「萬事互相效力，叫愛神的人得益處」，羅馬書第8章第28節

 

洗腦

國民教育課程編排正鬧得滿城風雨, 洗腦教育/唱好共產黨等聲音此起彼落, 一群家長帶同小朋友上街遊行, 高唱反洗腦教育....

課程內容有偏頗是鐵一般事實, 至少我也覺得是這樣 , 但 ,  勁愛小孩的家長們, 你們在大叫反國民教肓/唱衰共產黨的同時, 是否又在強加另一種思想給小朋友, 你們不也是在進行洗腦教育嗎 ?

每一件事都有正反兩面, 怎樣向小朋友解釋事實....怎樣由歷史中吸取教訓....

三從四德千禧版

小時看電視總有提及三從四德,  三從是指未嫁從父、出嫁從夫、夫死從子，四德是指婦德、婦言、婦容、婦功。

我等自命新時代女性當然係咀渺渺啦, 再加上有自己既工作, 有收入, 不洗睇屋企大爺既面口做人, 仲邊有人去理會呢D八古.

但而家興玩食字, 又有詞語新解了, 網上借來一用, 寫中晒港女心態 .

我笑了.

馬後炮

又來個馬後炮先 :)

可能是在英國殖民地長大, 對英國總有個情義結, 不論英國聯賽或是國家隊賽事, 理性上知道技術仍未夠班, 但感性上總希望有奇蹟出現, 但 世上邊樹有咁多奇蹟 !

事實 我又開口中了, 歐國盃 - 英格蘭八強止步了....

                                  Goal.com賽後評分：意大利 0-0 英格蘭(十二碼 4-2)

我身邊總有天使

[天不常藍 花不常漫 ]

無人一生順利, 總有風雨, 當時總會問天, 為何是我 ? 但事情總會過去, 總會完結.

可以哭! 可以怨 ! 但時間不可以長 , 要懂得完結.

感謝主 ! 我身邊總有天使 :)

感謝主 ! 使我懂得笑 :)

我們都是黑社會 ?

無論你叫佢做火鍋, 打邊爐, hot pot 或 shabu shabu, 香港人大都鍾意圍埋一齊烚下烚下, 我都係其中一個 :)

但又有一個好奇怪既現象, 凡講黑社會既電影/電視, 都又一定有班江湖大佬係度打邊爐, 咁到底係有黑社會先定有打邊爐先呢 ?

係社團班人混入人群中或是骨子裡 : - 我們都是黑社會 ???

隋筆

今日黃雨, 未去到巴士站條褲已經濕晒 .

天雨路滑, 小心駕駛, 車輛慢行, 左塞交通, 為著安全, 大家都接受, 但今天遲到了2分鐘 ~~

車輛慢行引至返工返學有誤, 議會塞車, 引至政策/方案未決. 我等小市民不明政治, 但三大呀哥既行為實令我討厭 , 除左掟蕉, 掟鞋, 漫罵外, 再加多個新元素<拉布> ....已經變左流民議會...

凡事總有正/反兩面, 但而家係平衡唔到....

但香港人真係創意無限, <拉布>一詞, 真係好到 . 是另類文化又好, 是什麼都好, 我鐘意 :)

該與不該~~

執著 - 該與不該 ...

堅持 - 該與不該 ...

固執 - 該與不該 ...

很矛盾, 如何取得平衡 .....

毒與藥, 一線之隔 ...

對與錯, 一念之差 ...

如入五霧中 ......

ET Phone home

有冇聽過或睇過一套電影叫 《E.T. 外星人》? 故事內容實已不記得, 只記得經典個句 : - ET Phone Home

今天, 不論在巴士上 , 地鐵中, 或在酒樓食肆, 十之八九既朋友都係部電話上篤篤下, 原來作家/電影人真係走在社會既前面 ( 個D時裝大師真係要行埋一邊) :)

那麼是否有一天, 人類真係進化到得番一隻手指 ??? 仲要係一隻長手指....

咁咪要買好多介指 lor ???