什麼是寶？

什麼是垃圾？什麼是寶？全看個人喜好！

清理公司影印房時，發現了它，冇同事想要，它被我送去後樓梯。

會計同事發現了它，把它收藏起來。

你會留它嗎？

Brunch 之團年飯

我等賴人，唔洗返工就訓到黃朝八晏，早午餐一齊食係平常事，但於早午餐時段食團年飯，想都未曾想過！

公司每年都會做一次半次義工，今次仲贊助團年飯。

需然咁早食團年飯有D奇怪，但看見一班長者食得開心，玩得 Happy，我地都好感恩。

祝各位哥哥／姐姐身體健康，開心快樂！

我們認識的「周公子」- 故事二

故事背景：星期天去完主日崇拜，如沒有特別節目，我大都會同仔仔到家附近地方吃午餐。

飯後會到超市走走，買些日常用品及小吃。仔仔常說：這些東西重，要待他在時才可買。愛心小苦力。

一次又如常在超市閒蕩時，我突然站住說：走吧，回家去！

仔仔問：什麼事要走得咁急？！

我說：好眼訓，要午睡。

周公仔就是如此可愛，會突然給你一個急 call （＾ν＾）

我們認識的「周公子」- 故事一

故事背景：N年前工作的一間公司，老闆姓謝，另有一好同事姓周。

公司年夜飯要抽獎，會計要買金飾做獎品，問應該去邊個字號好？（當時有謝瑞麟，周生生及周大福為三大名牌）

我答：我就是喜歡姓周多過姓謝啦：）

年少時的瘋言瘋語！

認祖歸「終」

很多公司為著財務安排，都會有幾個公司名和銀行戶口。。。

午飯間，同事I小姐說，在坐除了J先生外，我們都屬同一間公司。

L小姐說：安排同事under邊間公司，係S小姐楂旗，而家擺明針對你啦。

七咀八舌後，有人叫J先生認祖歸宗，改回同我地同一間公司啦。。。

S小姐話：死人才歸終！

天呀！此「宗」不同彼「終」，歸宗，唔係歸西呀。。。

S小姐不是說笑，她是我們的「人大」，人事部最大嗰個，凡老闆說D野冇人明白時，都係由佢釋法。

認祖歸「終」，笑足一頓飯（＾ν＾）

穿櫃

十個茶壺八個蓋，可以點做?

數冚數係味聰明呢 ? "借"用公款係未叻呢 ?

"借"用公款去走時差，去轉一轉，馬上填番都可能得天知、地知，人唔知 !

如果永遠先還最遠條數先，應該唔會穿，但天網灰灰。。。

還左近個D數，最遠個條唔還才會穿。

SPY

知己知彼，百戰百勝！

為了更了解對手的優勢，爭加自家公司的競爭力，我被公司指派做年度間諜。

每個月我都必須到其中一間行家的店舖做實地觀察，需沒有危險，但也算是挑機。

如果公司做飲食，我則可以不停去試食；
如果公司做成衣，我則可以shopping;

可惜我們是做mini storage，我只能試別人的服務，對比別人的營運。

唯一可喜，就行用公司時間去街街。

愛你恨你

角力兩天後，我輸了(´･_･`)

我唔鐘意你，逃避不去見你。。。

但最後，都要去找你(￣^￣)


你同我講：唔好食朱古力！

你同我講：不過可以食火龍菓！

兩樣都係我的至愛，點會咁架！

你同我講呢D野，你真係幾得wor
（＾＿＾）

生命小工程

閑聊時朋友說：上帝就係知道妳乖，所以調妳上人事部，使妳可以放星期日，返主日祟拜。

我說：錯！就係因為我唔乖！我返唔到主日，但可以返晚堂，但我總多多借口。於是上帝調我職，使我可以放星期日。。。這樣，我再冇借口了。

親愛的天父，袮總有辦法教我，袮總有方法愛我，感謝恩主！

2013

2012年我過得稱心滿意：）而部份不如意事，如今回頭再看，只是笑話一個，小事一樁。

我常說：因我是人，人係有喜、怒、哀、樂！所以我容讓自己生氣、發大脾氣！

感謝主！每每生氣過後，總懂得笑看人生。

老生常談：開心一日，唔開心又一日，我選擇了開心：）

2013年了，我信上帝會與我同行，今年必比舊年好！

2013年的第一餐，感謝主！