猶太男人的早禱

猶太男人的早禱: -

感謝主，我不是外邦人 !

感謝主，我不是奴僕 !

感謝主，我不是女人 !

****

遠古時的猶太人男是如此把自己分別出來 : 神之子民與外邦人、主人與奴僕、男人與女人。

****

其他不說，單是把女人視為下等人己經顯出他的無知 ! [夏蟲不可語冰] 。。。下刪三千罵人的字。。。

好了，發洩了，還是一句 : 寧為女人 !

拜媽媽

每年年初一，我們都會去拜媽媽及外公 (因都是玄圓學院)。但今年才由荃灣出車，不一會已見到龍尾，一條唔郁既龍尾。。。回家打機吧，下次再去。

但如是者幾次都有長長車龍。。。

最後姊弟決定不揸車，坐小巴(無所謂，反正我係痴車坐)。哈，需然有人龍，但不用十分鐘已能上車。今年終於第一次去探媽媽及外公了。

小故事，大智慧

一次宗教領袖的大型聚會，會後，佛教、道教、基督教三位代表在交流交流。。。

佛教代表問基督教代表 : 我們宗教表徵係蓮花，代表和平；道教表徵係八卦，代表平衡；而你們基督教的表徵係十字架，係刑具 ! 太可怕了。

嘩 ! 好太試探呀 !

牧者不慌不忙地回答 : 因我們的主已勝過死亡，且由死中復活。十字架已不再是刑具，而係復活的盼望 !

大智慧 :)

今日( ´ ▽ ` )

昨晚，腳趾尾踢埋個風扇度，超勁痛 ! 今朝著唔到鞋、行唔到、返唔到工。。。
感謝主，又可以放假一天。

因為腳痛不能著鞋，只能著人字拖。。。
感謝主，又可以借D意去買鞋。

多了一天假，又可以去 afternoon tea了，埋單時發覺冇帶銀包。。。
感謝主，需然我唔係熟客，但老板都信我，話下次先啦。(馬上回家拿錢包。。。)

本來，明天要去澳門公幹，但經理叫我唔洗去了。。。
感謝主，使"痛腳"得休息。(但我話可以去架。。。)

是日(´･_･`)

炒左2個，5個辭職。。。

同事話：大破日！

又有同事話 : 今日選教宗，影響太陽黑子 (乜野黎架)

我心情都唔好，但我說：塞翁失馬，或者係咁，可以請到D更好既呢(^o^)

三八婦女節的晚上

行政部晚宴，何解要搞到偷偷摸摸？

就是沒有叫其他部門的同事。

你選擇了小氣，我們選擇了開心：）

環境很好，食物一般，反正我們一起慶祝了三八婦女節：）

老爸

少年人的生活熱熱鬧鬧，老年人的生活也應有姿彩。

老爸不愛去老人中心，最後只選了做半天義工，幫長者量量血壓，及參加唱歌班。

唱歌班每年總有幾次表演，但他只會通知細佬一個，所以我地幾姊妹從來無緣觀看。

咪當我老襯

公司搞上市，會計忙得不可開交，老闆答應多請個職員幫手，本是好事，但又係攪出個大頭佛。。。

會計小姐唔肯請外人，怕新人唔識用公司套system，強要借用客戶服務部同事，問題來了，首先，工資少了；工作多了；而且原來唔係做會計D野，係要幫忙睇租約，修訂公司合同。。。

不是一般on site同事會懂的英文。。。仲唔讓人家考慮。。。

結果，被強行迫上來的同事做了三日，就馬上要求返落site了。。。

煎釀三寶

昨晚，仔仔沒有和我吃晚飯，他回家前打電話給我 : 媽咪，食唔食煎釀三寶 ? 有人請吃，當然好啦 （＾∇＾）

吃了一口釀紅腸，嘩 ! 好多油呀 ! 好肥呀 !

一次半次唔怕啦，又唔係時時食。。。

就係咁，又破壞了我的減肥大計了 (._.)

但窩心 （＾ν＾）

搞搞笑

在網絡世界發達的今天，每天你會見到、吸收到很多知訊，包括政治、科學、宗教、飲食。。。似是而非的一大堆。正確與否，就要靠自己判斷。

其中也有一些勵志，也有一些搞笑。

圖片所示，你會想是前者或後者呢 :)

理直氣壯

「大聲唔係代表冇禮貌」。係N年前發哥某電影的金句。所以而家D人講野都鐘意大大聲，「理直」更加氣壯。

但如果做到「理直氣和」，則更見涵養，更有風度。

去年，都曾因為教澳門同事做野，被對方無理大罵。

人蠢冇問題，但加送冇禮貌，再送大大聲，理應係死罪。但最後我只選擇放棄佢，交比另一同事去教。

今日，老闆親自去澳門，親自去受同事氣。有決定了。

沉冤得雪（＾ν＾）